– ബുധൻ –
- ദൈവം തന്റെ വചനത്തെ (യേശുവിനെ)
അയച്ചു എന്നെ സൗഖ്യമാക്കി
എൻറെ കുഴികളിൽ നിന്ന് എന്നെ വിടുവിച്ചു.
- മരണമേ നിന്റെ ജയം എവിടെ.
ഞാൻ മരിക്കയില്ല ജീവനോടെ ഇരുന്ന്
ദൈവത്തിൻറെ പ്രവർത്തികളെ വർണ്ണിക്കും.
എന്റെ കർത്താവായ യേശുക്രിസ്തു നിമിത്തം
എനിക്ക് എല്ലായിടത്തും എല്ലായ്പ്പോഴും ജയം
നൽകുന്ന ദൈവത്തിന് സ്തോത്രം.
- മനം തകർന്നവരെ യഹോവ
സൗഖ്യമാക്കുകയും അവരുടെ മുറിവുകളെ
കെട്ടുകയും ചെയ്യുന്നു.
- ഞാൻ ദൈവ വചനങ്ങളെ കേട്ട്
കൈക്കൊള്ളുന്നത് കൊണ്ട്
എനിക്ക് ദീർഘായുസ്സുണ്ടാകും.
- ക്രിസ്തുവിൻറെ വചനം ഞാൻ മറക്കാതെ,
സകല ജ്ഞാനത്തോടും
എന്നിൽ വസിക്കുന്നത് കൊണ്ട്,
അവ എനിക്ക് ദീർഘായുസ്സും
ജീവകാലവും സമാധാനവും വർദ്ധിപ്പിച്ച് തരും .
അത് എൻറെ നാഭിക്കു ആരോഗ്യവും
അസ്ഥികൾക്ക് തണുപ്പും ആയിരിക്കും.
- ദൈവത്തിൻറെ വചനം ശ്രദ്ധിക്കുന്നവർക്ക്,
കേൾക്കുന്നവർക്ക്, എപ്പോഴും
വായിക്കുന്നവർക്ക്,
അവയെ ഹൃദയത്തിൻറെ നടുവിൽ
സൂക്ഷിക്കുന്നവർക്ക്,
അവയെ ലഭിക്കുന്നവർക്ക് അവ ജീവനും
അവരുടെ സർവ്വദേഹത്തിനും സൗഖ്യവും
ആകുന്നു.
- കണ്ണിന്റെ ശോഭ ഹൃദയത്തെ
സന്തോഷിപ്പിക്കുന്നു.
നല്ല വർത്തമാനം (ക്രിസ്തുവിൻറെ വചനം)
എൻറെ അസ്ഥികളെ തണുപ്പിക്കുന്നു .
സന്തോഷമുള്ള എൻറെ കണ്ണിൽ കൂടെ വരുന്ന
വെളിച്ചം മറ്റുള്ളവരുടെ ഹൃദയത്തെ
സന്തോഷിപ്പിക്കുന്നു. ക്രിസ്തുവിൻറെ വചനം
അസ്ഥികളെ ബലപ്പെടുത്തുന്നു.
- ഇമ്പമുള്ള വാക്ക് (ദൈവ വചനം)
തേൻ കട്ടയാകുന്നു അത് എന്റെ മനസ്സിന്
മധുരവും എൻറെ അസ്ഥികൾക്ക്
ഔഷധവും തന്നെ.
- ക്രിസ്തുവിൻറെ വചനം ഐശ്വര്യമായി
എന്നിൽ വസിക്കുന്നതുകൊണ്ട്
എന്നിൽ സന്തോഷമുണ്ട്.
സന്തോഷം നിറഞ്ഞ എൻറെ ഹൃദയം
നല്ല ഒരു ഔഷധമാകുന്നു .
ഈ ദിവസം കർത്താവിന് വിശുദ്ധമാകുന്നു:
എൻറെ മനസ്സ് വേദനിക്കുകയോ
മ്ലാനമായി ഇടിഞ്ഞു പോവുകയോ ഇല്ല.
യഹോവയിങ്കലെ സന്തോഷം
എൻറെ ബലം ആകുന്നുവല്ലോ.
- എൻറെ കണ്ണ് ഇനി മങ്ങുകയില്ല,
എൻറെ ചെവി ശ്രദ്ധിക്കും.
- ദൈവത്തിന്റെ ഹിതം തിരിച്ചറിയേണ്ടതിന്
ഞാൻ മനസ്സ് പുതുക്കി ദിനം തോറും
രൂപാന്തരപ്പെട്ടുകൊണ്ടിരിക്കുന്നു.
( റോമർ 12:2)
- ഞാൻ ക്രിസ്തുയേശുമൂലം സകലത്തിലും
ജയം പ്രാപിച്ചിരിക്കുന്നു (റോമർ 8:37)
- ഞാൻ ഭൂമിയുടെ ഉപ്പാകുന്നു ഞാൻ മൂലം
എൻറെ ഭവനം, എൻറെ ജോലി സ്ഥാപനം,
എൻറെ സഭ, എൻറെ ശുശ്രൂഷ എല്ലായിടവും
പ്രയോജനമാകുംവിധം രുചിയുള്ളതാകുന്നു
(മത്തായി 5:13)